Шығыс Қазақстан облысында Қалбатау ауылында қатты желден жиырмаға жуық үй қираған. Жергілікті тұрғындар осылай дейді. Олар дүлей дауылды ұялы телефондарына да түсіріп алған. Бірақ жауаптылар табиғаттың тосын мінезін растамай отыр. Тұрғындар енді оқыс оқиғаны да, онан келген зардапты да дәлелдей алмай қиналуда.
Юрий ЮСУПОВ, ҚАЛБАТАУ АУЫЛЫНЫҢТҰРҒЫНЫ:
Алдымен қандай да бір дыбыс естілді, адамдар шығып, ағаштың құлағанын көрді, барлық сымдар жарқырай бастады. Ол көше бойымен өтіп, барлық тіректерді үйіп тастады, ұзындығы 3-4 метр ағаштарды құлатты. Шатыр, төбенің едені, терезе, қоршау, бәрі қирады.
Оқиға шілде айының ортасында болған. Жел шатырларды қиратып, шаруашылық құрылыстары мен электр сымдарын үзген. Адамдар табиғи апаттан соң өтемақы алғысы келеді. Бірақ олар болған оқиғаны дәлелдей алмай отыр. Себебі, жақын жердегі метеостанция дауылды тіркемеген.
Берік САМЕЖАНОВ, ҚАЛБАТАУ АУЫЛДЫҚ ОКРУГІНІҢ ӘКІМІ:
Заңға сәйкес, егер дауыл болғаны расталмаса, біз сәйкесінше заң шеңберінде ақша бөле алмаймыз. Ауа райы туралы мәліметсіз біз ештеңе жасай алмаймыз. Сұраныс келді, бірақ дауыл расталмады, олар жел 19 м / с екендігі туралы анықтама берді. Біз тұрғындардың әрқайсысына көмектестік, кейбіреулері командалармен, кейбіреулері материалдармен. Тағы да, біз төтенше жағдай ережелерін қарастыруымыз керек.
Ауыл әкімі де дауыл туралы барлық фотосуреттер мен бейне дәлелдерді жинаған. Материалдар аудан әкімшілігіне жіберілді дейді. Әзірге екі отбасына ғана 80 мың теңге төлеу туралы шешім қабылданған. Қалғандарына ақша жоқ. Бірақ енді әкімдік кәсіпкерлерден көмек сұраймыз деп отыр.
Б. Сатуов
