Қала тұрғыны Ғалия балаларына қажетті оқу құралдарын алу үшін базарға келген. Іздегенінің бәрі бар, бірақ дәптер ала алмай жүрмін дейді.
Ғалия ҚУАНЫШҚЫЗЫ, АТА-АНА:
Дәптерді алайын 20 штук десем, маған айтады 5000 теңгенің көлемінде товар алсаңыз, дәптер 5 теңге болады дейді. Ал егер ештеңе алмасаңыз дәптерді 25 теңгеге аласыз дейді. Енді ол мүмкін емес жағдай ғой.
Ата-аналардың айтуынша, оқу құралдарының құны өте қымбат. Бір баланы мектепке дайындау үшін шамамен 60-70 мың теңге керек дейді.
БЛИЦ:
- Қиындау, сумкалардың өзі 7-8 мың.
- 4 балалы, 5 балалыларға қиын енді.
- Қазір 3 бала бар оқытатын. Үшеуіне 210 мың кетеді сонда.
Мектеп құралдары бағасы расымен де биыл жоғары дейді сатушылар да. Бірақ оған қарамастан сауданың жақсы жүріп жатқанын айтады.
Майра БОЛАТҚЫЗЫ, САТУШЫ:
Жылдан-жалға бағасы өсіп келеді. Алып жатыр. Толық заттарын алып жатыр, бірінші сынып та, үлкен сынып та.
Оқушы құрал-жабдығының дені Ресейден тасымалданады. Қытай мен Түркия, Үндістаннан да импортталатын тауарлар бар. Дәптердің жеке сатылмауының себебі осымен байланысты дейді мамандар. Биыл тауар аз. Графика: Сауда және интеграция министрлігінің мәліметінше, дәптер былтырға қарағанда бұл жолы 10 пайыз аз әкелінген. Басқа мектеп құралдары да солай. Себебі пандемияға байланысты сұраныс болмаған.
А. Базарбай
