Нұр-Сұлтанда екі қоғамдық көлік соқтығысып, екі адам зардап шекті. СTS көліктік компанияның баспасөз қызметінің хабарлауынша, №20 автобустың жүргізушісі тізгінге ие бола алмай қалып, жолдың қарсы бетіне шығып кеткен. Ал сол сәтте келесі бағыттағы №36 автобус аялдамаға тоқтамақшы боп жатқан. №20 автобустың жүргізушісіне әкімшілік хаттама толтырылған. Оның жолаушылар көлігін жүргізіп жүргеніне 5 жыл болған. Таңертең рейске шығар кезде медициналық тексеруден өтті дейді. Қазір компания басшылығы жүргізушіні тәртіптік кеңеске салуды және жұмыстан шеттету мәселесін қарастыруда. Ал жол -көлік оқиғасы салдарынан жарақат алған жолаушылар ауруханаға жеткізілді.
Әйгерім АРДАҚҚЫЗЫ, НҰР-СҰЛТАН қ. ҚОҒАМДЫҚ ДЕНСАУЛЫҚ САҚТАУ БАСҚАРМАСЫНЫҢ БАСПАСӨЗ ХАТШЫСЫ:
Көпбейінді 2-ші ауруханаға жеткізілді. Жағдайы қалыпты. Орта жағдайда.
Түрлі дене жарақаттары бар, бірақ алайда өміріне ешбір қауіп төніп тұрған жоқ.
Ә. Дүкембаева
