Тәуелсіздік күні қарсаңында Батыс Қазақстан облысының тұрғындары марапатталды. Аймақтың үздіктеріне мемлекеттік наградаларды Мәжіліс төрағасы тапсырды. Президенттің тапсырмасы бойынша ерекше көзге түскендерің арасында құрылысшылар, мұғалімдер, дәрігерлер, зоотехниктер мен инженерлер бар. Жиын барысында Нұрлан Нығматулин аймақтың өнеркәсіптік, аграрлық және транзиттік әлеуетінің орны ерекше екендігін атап өтті. Сонымен қатар, еліміздің жетістіктерінің қатарында халық бірлігі, тұрақты экономика, дамыған азаматтық қоғам және Қазақстанның жоғары халықаралық беделі тұр , дейді Мәжіліс спикері. Айтуынша, мемлекеттік саясаттың басым бағыты осы жылдар ішінде халықты әлеуметтік қолдау болып табылады.
А. Данияр
