Елордалық Құралай Бурабаева 33 жасында көпбалалы ана атанды. Осыған дейін үш баласы бар ана жақында үшемді өмірге әкелді. Шекесі торсықтай ұлдардың әрқайсысының салмағы -екі келіден асады. Шақалақтар мерзімінен бұрын туғандықтан, біраз уақыт дәрігерлердің бақылауында болды. Қазір жас ана мен сәбилер өздерін жақсы сезінеді. Мереке қарсаңында дүниеге келген балаларға ата-анасы Ертөре, Хантөре, Нұртөре деген есім берді.
Құралай БУРАБАЕВА, КӨПБАЛАЛЫ АНА:
Түрлері бәрі бірдей, барлығы бір-біріне ұқсайды. Ажырата алам ба, шатастырып алмаймын ба деген қорқыныш болды. Қарап көзің үйреніп, ажырата аласын.
Берік НҰРДАУЛЕТОВ, ҮШЕМНІҢ ӘКЕСІ:
Мамамыз деген бәрімізді қуантып, үш ұл дүниеге алып келді, Алланың қалауымен әрине.
Биыл бірінші жарты жылдықта елімізде 296 мың 500 бала дүниеге келді, оның 3542-сі-егіз, 37-сі үшем. Бұл өткен жылдың сәйкес кезеңімен салыстырғанда 8,4%-ға көп.
Ә. Дүкембаева
