Мәжіліс депутаттары халықпен бірге. Мәжіліс төрағасы Нұрлан Нығматулин еліміздің бірқатар өңірлерінде болған қайғылы оқиғалардың салдарынан қаза тапқандардың жақындары мен туған-туыстарына депутаттық корпус атынан көңіл айтты. Сондай-ақ, депутаттардың бірінші күннен-ақ оқиға ортасында болғанын, халықпен бірге жүргенін, Үкіметтік комиссиямен бірігіп, жұмыс жүргізіп жатқанын жеткізді. Мемлекет үшін күрделі кезеңде Президент Қасым-Жомарт Тоқаевтың қабылдаған барлық шешімдері мен батыл қадамдары бірегей және уақытылы екенін атап өтті.
Нұрлан НЫҒМАТУЛИН, ҚР ПАРЛАМЕНТІ МӘЖІЛІСІНІҢ ТӨРАҒАСЫ:
Бүгін еліміз үшін, халқымыз үшін қиын сәтте Мемлекет басшысы Қасым-Жомарт Кемелұлы Тоқаевтың осы күндері қабылдаған әрбір шешімдері, әрбір қадамдары ел тағдырын қорғауға және сақтауға бағытталған. Сондықтан, бірінші күннен бастап Парламент Мәжілісі Президенттің барлық бастамаларына жан-жақты қолдау көрсете отырып, заң деңгейінде нақты жұмыс жасауда.
А. Дүкембаева