Жамбыл облысының тұрғындары қару-жарақ тауып алған. Бұл туралы полицияға хабарлаған. Тәртіп сақшылары оның үш автомат пен гранатомет екенін анықтады. Тәркіленген қару сараптамаға жіберілді. Полицейлер қару-жарақ пен оқ-дәрі туралы хабарлаған, сондай-ақ оларды құзырлы орынға өз еркімен тапсырған адамдар жауапкершілікке тартылмайтынын ескертуде. Қазір 102 нөміріне Тараз қаласы мен аудандардан қоңыраулар үздіксіз түсіп жатқан көрінеді. Тәртіп сақшылары бір тәулікте 40-тан астам қару мен оқ-дәрі қабылдаған. Көбісі анонимді ақпарат беріп жатыр дейді.
Бақыт РАТАЕВ, ЖАМБЫЛ ОБЛЫСЫНЫҢ КОМЕНДАНТЫ:
102 тетігіне қоңырау шалуды немесе кез келген полиция бөліміне әкелуді сұраймыз. Қаруды, оқ-дәрілердің, арнайы құралдардың орны туралы хабарлаған немесе оны ерікті түрде полицияға тапсырған азаматтар қылмыстық және әкімшілік жауапқа тартылмайды. Құпиялыққа кепіл беріледі.
Б. Жұмабайұлы
