Мемлекет басшысы Нұрсұлтан
Назарбаев Түркия президенті Режеп Тайып Ердоғанға көңіл айту жеделхатын
жолдады. Елбасы өз сөзінде Қасиетті
Рамазан айында жасалған қатыгездікті зор күйзеліспен қабылдағанын жеткізді.
Нұрсұлтан Назарбаев бірнеше адамның қазасына орай бауырлас түрік ағайынға барша
Қазақстан халқының атынан көңіл айтты. Лаңкестік әрекеттен зардап шеккен
азаматтардың тезірек сауығып кетуін тіледі.
Нұрсұлтан Назарбаев, Қазақстан
Республикасының Президенті:
Қазақстан әлемдік қауіпсіздікке
қатер төндіретін халықаралық экстремизм мен терроризм әрекеттерін қатаң
айыптайды. Ыстамбұлдағы жантүршігерлік оқиға, қандыбалақ радикалды топтар мен
олардың идеологиясына өркениетті қоғамда орын жоқ екенін, тағы да растады.
Азамат АЛДОҢҒАРОВ
