Қай өңірлерде парақор көп? Әкімдіктер мен олардың құрылымдық бөлімшелерінің қызметкерлері жасаған сыбайлас жемқорлық, құқық бұзушылықтар бойынша Ranking.kz ұжымы зерттеу жүргізген. Қаңтар-шілде аралығы деп көрсетілген деректерге сүйенсек, әкімдіктер мен олардың құрылымдық бөлімшелерінің 91 қызметкері сыбайлас жемқорлық қылмыстарымен ұсталған. Көшті Түркістан облысы бастайды. Қызылорда тізімді жалғастырады. Үштікті Шымкент қорытындылайды. Парақорлары көп деп танылған өңір әкімдіктері бұл деректерге қатысты алып-қосарлары болмады. Жалпы, құқық бұзушылықтар арасында ең «танымалы» бөтеннің сеніп тапсырылған мүлкін иемдену мен «пара алу» екен.
А. Төребекқызы
