Спорт Қазақстан
$448.15 €483.46 ₽4.86
×

Қоғамда көп жігіттердің көшеде қызбен танысуға батылы жетпейді

30.05.2023ж. 20:00
1590
Қоғамда көп жігіттердің көшеде қызбен танысуға батылы жетпейді

Қызбен қалай танысуға болады? Қазір оның түрлі тәсілі бар. Онлайн отырып, авасына әдемі фотосын қойып, көпшілігі қыздың көңілін табуға құмар. Ал бетпе-бет жүздесіп, танысып жатқандар жоқтың қасы. Бөріктілер батылдық танытпай ма? Әлде мәселе қыздарда ма? Әріптесім Дәрібек Бахытбек қыздарға қырындап, танысуға тырысып көрді.

Дәрібек БАХЫТБЕК, ТІЛШІ:

Қазір жастар әлеуметтік желі арқылы танысады. Әңгімелері жарасса ғана кездеседі. Бұрын ғаламтор болмады. Тек жүзбе жүз көргенде ғана есімін сұрайтын. Үлкендер танысу үшін сағат, мекен-жай сұрап ебін табатынбыз деп айтатын. Дәл сондай тәсілдерді қолданып көрмекпін.

- Сағатыңыз қанша болды?

- 12:11

- Есіміңіз кім? Танысуға бола ма?

- Сәлем! Қыздар қалайсыңдар? Есіміңіз кім?

- Біздің қолымыз бос емес.

- Сағатыңыз қанша болды? Сізбен танысуға бола ма? Сіз үшін келіп едім осы жерге сонша жерден.

- Жоқ, жігітім бар.

«Таныспаймын». Бейтаныс жанға осылай деп жауап қайтаратыны белгілі. Сондықтан алдымен әңгімеге тартып көрдім.

- Шашыңыз күн сияқты жарқырап тұр ғой. Күннен кейінгі әдемі сіз болып тұрсыз ғой.

- Ой, рақмет!

- Бұрыннан сондай әдемісіз ба?

- Бұрыннан әдемімін.

- Танысқым келіп тұр.

- Аружан.

- Қай жылғысыз?

- 2005.

- Кездесуге шақырайын дегем ғой сізді.

- Жоқ, рақмет! Басым бос емес.

- Қойыңызшы, жігітіңіз менең әдемі ма не?


- Көзілдірігің күшті екен, тағып көрсем бола ма? Мә, зрения ма не? Қай жақтан алдыңыз очкиді?

- Кешіріңіз ұмытып қалдым.

- Есіміңіз кім?

- Дильназ

- Танысуға бола ма?

- Жоқ.


- Менің айналам қазір сұп-сұлу, жап-жарық, әдемі болып кетті. Не үшін олай болып кетті десем. Сіз күннен кейін сұлу, жып-жылы болып тұр екенсіз. Танысуға бола ма?

- Ой, жоқ-жоқ.

Бұл тәсілім де нәтиже бермеді. Содан тағы басқа айлаға көштім. Қызғандыруға тырыстым.

- Сізбен танысуға бола ма?

- Жоқ.

- Онда мына қызбен таныса берем.

- Таныса бер.

- Не саған бәрібір ма не сонда?

- Қарындас сізбен танысуға бола ма? Таныса берейін ба? Не саған бәрібір ма не Марал? Мен сені ұнатып тұрмын.

- Есіміңіз кім?

- Аяжан.

- Қай жылғысыз?

- 2005.

- Танысуға бола ма сізбен?

- Неге Аяжан, мына қызбен таныса салам онда.

- Танысыңыз.

Келіскен қыздар болды. Есімін айтты. Тіпті телефон нөмерін берді.

- Инстаграмм бере аламын, иә.

- Жігітім қайда қалды десей?


- Танысқым келіп тұр сізбен, инстаграмм бола ма? Айтып жібересіз ба?

- Өзіңіз жазасыз ба?


- Есіміңіз кім?

- Не үшін?

- Жәй, танысқым келіп жатыр.

- Маржан.

- Қайдан боласыз?

- Атбасар.

- Оқисыз ба?

- Мен оқымаймын, жұмыс істеймін.

- Инстаграмыңыз осы ма?

- Иә.

- Нөміріңізді бола ма? Кездесуге шақырсам кешке.

- Бүгін бос емеспін.

- Қашан боссыз? Нөміріңізді бола ма?

- Жарайды, жазыңыз.

Танысу үшін жасаған бұл әрекетімді көбі шын деп ойлады. Біз оның әлеуметтік эксперимент екенін айттық.

- Рақмет! Эксперимент. Камера түсіріп тұр. Жалпы қандай көңіл күйде болдыңыз?

- Айта алмаймын.

- Жалпы шын деп ойладыңыз ба?

- Ну, да.

- Көбінесе жігіттер қалай танысады сіздермен?

- Тура осылай.

- Көшеде таныса ма? Әлде көбінесе инстаграм ба?

- Инстаграмда. Көшеде де танысатындар бар. Шашыма комплимент тастап.

- Рақмет. Эксперимент камера түсіріп тұр. Машинада. Жалпы шынайы деп ойладыңыз ба?

- Жоқ.

- Мүлде сенген жоқсыз ба?

- Айттым ғой сізге камера қайда деп.

- Мүлде сенген жоқсыз.

- Олай қазір жігіттер таныспайды.

- Қалай танысады?

- Қазір ешкіммен таныспайды ғой. Танысайықшы, танысайықшы демейді ғой. Реально. Поэтому білдім.

- Тек инстаграмда жаза ма?

- Иә.


- Қалай танысады?

- Жоқ, көбінесе былай жолда таныспаймын негізі.

- Қандай көңіл-күйде болдыңыз?

- Ешқандай. Ондай қатты көңіл күй болған жоқ. Просто түсінбей қалдым.

- Жалпы әлеуметтік желіде танысасыздар көп.

- Иә, негізі көбінесе.

- Рақмет.

Танысудың түрі, жарысымды жұп болудың жолы көп. Бейтаныс жанмен тілдесе кету қауіпті. Бірі осыны себеп қылса, енді бірі қазіргі тренд емес дейді.