«AMANAT» партиясы және «Жастар Рухы» жастар қанатының мүшелері елордадағы «Жансая» әлеуметтік қызмет көрсету орталығындағы ерекше балақайлармен кездесті. Партиялықтар оларды мерекемен құттықтап, сый-сияпат жасады. Аманаттықтар орталықтың жұмысымен және медициналық-әлеуметтік қызмет көрсету сапасымен танысып, балалармен әңгімелесті.
Елнұр Бейсенбаев, «AMANAT» ПАРТИЯСЫНЫҢ АТҚАРУШЫ ХАТШЫСЫ:
Әрқайсысының ойларында арманы, жүректерінде қойған мақсаттары, ата-аналарына деген махаббаттары бар балалар. Ерекше осындай балаларымыздың арманы да, осындай балаларымыздың діттеген мақсаттары Алланың қолдауымен, сіздер сияқты, біздер сияқты азаматтардың демеуімен орындала берсін.
