$460.43 €501.04 ₽6.65
×

Павлодар облысы Ақтоғай ауылы суының құрамынан қорғасын табылмады

17 қазан 2016
3832
Павлодар облысы Ақтоғай ауылы суының құрамынан қорғасын табылмады

Павлодар облысы Ақтоғай ауылындағы судың құрамынан қорғасын табылмады. Бұл туралы бүгін өңірдегі тұтынушылар құқығын қорғау департаментінің өкілдері хабарлады. Мамандардың айтуынша, су құрамы қосымша тексерілген. Сынаманың қорытындысы суда қорғасынның жоқтығын анықтапты. Яғни тіршілік көзінде деңгейі қалыпты. Айта кетері, сараптама Павлодар және Шығыс Қазақстан облыстарының бес зертханасында жүргізілген. Десе де, тұтынушылар құқығын қорғау департаменті мамандары су сапасын бақылау жұмыстарын жалғастыратындығын мәлімдеді.

Ирина Сорокина, Павлодар облысы тұтынушылар құқығын қорғау департаменті басшысының орынбасары:

Біз шамамен 30 сынама алдық. Барлығы аудан орталығынан. Сонымен қоса, оған жақын маңдағы ауылдардың суын, кешенді блок модулдері мен Ертіс өзені суын да тексердік. Оларда да қорғасын табылмады. Қазіргі талап - күн сайын мониторинг жүргізу. Яғни біз судың сапасын тексеруді жалғастыратын боламыз.  

Еске салсақ, қазанның 8 мен 9 күндері Ақтоғай ауылындағы елді мекеннің ауыз суы жоспарлы түрде тексерілді. Алынған сынамаларда оның құрамында қорғасынның болуы мүмкін деген қауіп туындады. Осыған байланысты қазанның 11-де ауылда орталықтандырылған су жүйесі тоқтатылып, таза ауыз су жеткізу ұйымдастырылды. Бүгінде су қайта беріле бастады. 

orda

«Orda FM» радиосы

Бұл жақсы музыка, өзекті жаңалықтар, қызықты бағдарламалар мен еркеліктер толқыны
Онлайн тыңдау
AstanaTV жарнамасы

Телеграм-канал AstanaTV

Подпишитесь на наш телеграм-канал и будьте в курсе всех событий моментально . Участвуйте в различных розыгрышах
Соңғы жаңалықтар