Франциядағы тәртіпсіздіктер Швейцарияға ұласты. Бұл туралы Stan.kz ақпарат агенттігі The Telegraph сайтына сілтеме жасап хабарлайды.
Лозаннада наразылық білдірушілер полицияға шабуылдады. Жеті адам, оның ішінде алты кәмелетке толмаған адам, қалада бірнеше дүкеннің терезелерін сындырғандықтан, ұсталды.
Қала орталығына 100-ге жуық адам жиналып, полицияға тас лақтырды.
"Францияда болып жатқан оқиғалар мен тәртіпсіздіктерді қайталай отырып, жүзден астам жас Лозаннаның орталығына жиналып, кәсіпкерлерге зиян келтірді. Полиция қызметкерлері бірнеше рет ашулы жастарды қууға мәжбүр болды. Франциядағы жағдай оларға әсер еткені анық", – деді Лозанна полициясы.
Швейцария полициясы 15 пен 17 жас аралығындағы үш қыз бен үш ұлды ұстады. Олар Португалия, Сомали, Босния, Грузия, Сербия, Швейцария азаматтары екені анықталды. 24 жастағы швейцариялық азамат та ұсталған. Полиция қызметкерлерінің ешқайсысы зардап шеккен жоқ.
Өткен аптада Бельгия астанасы Брюссельде он шақты наразылық білдіруші ұсталды.
3 шілдеде Франция президенті Эммануэль Макрон Француз парламентінің депутаттарымен және тәртіпсіздіктерден зардап шеккен 220 қала мен комунның әкімдерімен кездесуге дайындалып жатыр.
Наразылықтардың себебі – полиция қызметкерінің 17 жастағы жасөспірімді атуы.
