2023 жылғы 6 шілде күні Қазақстан – Қытай шекарасындағы автомобиль өткізу пункттері жұмыс істемейді. Бұл жөнінде Zakon.kz сайтына ҚР ҚМ Мемлекеттік кірістер комитеті хабарлады.
Комитет өкілдерінің мәлімдеуінше, өткізу бекеттері Астана күні мерекесіне байланысты жабылады.
"2023 жылғы 6 шілдеде Қазақстан – Қытай шекарасындағы автомобиль өткізу пункттерінде тұлғалардың, көлік құралдары мен жүктерді өткізу жүзеге асырылмайтындығын хабарлайды".
ҚР ҚМ Мемлекеттік кірістер комитетінің баспасөз қызметі
Ал ведомствоның мәлімдеуінше, Қазақстан – Қытай шекарасындағы теміржол өткізу пункттері штаттық режимде жұмысын жалғастырады.
Комитет тасымалдаушылар мен барлық шекараны кесіп өтуге ниет білдірушілерді енгізілген шектеулерді ескере отырып, бағытын алдын ала жоспарлауды сұрады.
