Қостанай облысының Наурызым ауданындағы Қараменде ауылынан 10 км қашықтықта Наурызым мемлекеттік табиғи қорығының аумағында 50 га орман алқаптарында өрт болды. Бұл туралы Stan.kz ақпарат агенттігі хабарлайды.
Сол қорықтың аумағындағы тағы бір өрт ошағы Шолақсай ауылынан 15 км қашықтықта табылды. Мұнда көлдің ішіндегі құрғақ қамыс 10 га өрісте жанып жатыр.
Үшінші ошақ Карамойша бөлімшесінен 20 км қашықтықта табылды. Қорық аумағында құрғақ шөптер мен орман алқаптары өртеніп жатыр.
Өртті сөндіруге Наурызым табиғи қорығының, "Казавиолесохранның", Қостанай облысы ТЖД, ерікті өртке қарсы құралымдардың күштері мен құралдары жұмылдырылды.
Тартылған күштер мен құралдардың жалпы саны 86 адам және 32 техника. ТЖМ дағдарыстық жағдайларды басқару орталығында жедел штаб және облыстық жедел штаб жұмыс істейді.
