44 жастағы Шымкент тұрғыны 6 жасар өгей қызын зорлады деген күдікпен ұсталды. Қайғылы оқиға 21 тамызда болған. Бұл туралы Stan.kz ақпарат агенттігі Otyrar басылымына сілтеме жасап хабарлайды.
Оқиға қыздың анасы ауруханада жатқан кезде болған. Бұл туралы ол анасына келесі күні ғана айтып берген көрінеді.
Әйел бірден Тұран аудандық полиция басқармасына жүгінді. Тәртіп сақшылары дереу оқиға орнына барған. Пәтерде ер адам ұсталды, сонымен қатар полицейлер төрт келі марихуана мен пластик бөтелкелер тәркіледі. Қазір жәбірленушімен психологтар жұмыс істеп жатыр. Сот-медициналық сараптама тағайындалды. Күдікті қамауға алынды.
