Семей перзентханасында әйел қолына пышақ ұстап, сол жақтың адамдарын қорқытқан. Бұл туралы Stan.kz ақпарат агенттігі хабарлайды.
Қолына суық қару ұстаған әйел перинаталдық орталықтың адамдарын қорқытқан.
"Екі полиция қызметкері перинаталдық орталық ғимаратының жанында 34 жастағы әйелді байқады. Ол психоневрологиялық диспансерде есепте тұрғаны белгілі болды", – делінген хабарламада.
ҚК-нің 287-бабы “Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру” бойынша сотқа дейінгі тергеп-тексеру басталды. Болған оқиғаның барлық жағдайлары анықталады.
