Танымал актриса Жұлдызай Дүйсенбиева ене мен келін туралы сөз қозғап, енелерге кеңес берді, - деп хабарлайды Massaget.kz тілшісі.
Бұл туралы өнерпаз Instagram Stories-інде бөлісті.
"Қыз кезінде бәрі жақсы, жаман келіншек қайдан шығады? Біз осы өзімізден өзіміз жаман боламыз ба? Күйеу мен қайын жұрт жақсы болса, енең жақсы болса, неге келін бір өзі жаман болады?" - деп жазған ол.
Сондай-ақ, өнер иесі енелерге кеңес берді.
"Қызыңды еркелетіп, төрге отырғызып, мәпелеп өсіресің. Бір жігіт "ғашықпын" деп алып кетеді. Сөйтіп босағасына отырғызып қояды. Қайын жұрттың ортасына түсесің. Басында араласасың, кейін арпалысасың. Осының бәрінің шешімі ұлдың анасында. Яғни, ене өзінің бір үйдің қызы болғанын естен шығармауы керек", - деп жазды актриса.
