Ел
тәуелсіздігінің қарсаңында еліміздің түкпір түкпірінен келген, өз саласында
үздік болып жүрген жастар «Нұр Отан» партиясының қатарына қосылды. Жалпы
жетекші партия жастардың саяси көзқарастарын қалыптастырып, партияға мүшелікке
өтуін белсенді қолдайды. Осы орайда "Нұр Отан" партиясы төрағасының бірінші орынбасары Мұхтар Құл-Мұхаммед
бүгін тәуелсіздік құрдастарымен кездесті. Өнерде, спортта, жеке кәсіпкерлік
саласында көш бастап жүрген жігерлі жастар «Нұр Отан» партиясының бірінші
орынбасарының қолынан партиялық билеттерін алды. Жалпы бұл шара ел
тәуелсіздігінің 25 жылдығына орайластырылып, 25 жас шақыртылған.
Мұхтар
Құл-Мұхаммед, «Нұр Отан» партиясы төрағасының бірінші орынбасары:
Елбасымыз
кемеңгерлік басшылығымен тәуелсіз Қзақастанды бүкіл әлемге танытты. Нұрсұлтан
Әбішұлы әсем Астанамызды салып, оны дүние жүзіне жарқырата көрсетті. Әлем халқы
біздің Астанамызды болашақтың қаласы дейді. Ал болашақ сіздердікі. Бүгін
сіздер Елбасы партиясының қатарына қабылдандыңыздар. Бұл сіздерге үлкен сенім
ғана емес, зор жауапкершілік те жүктейді. Сіздердің Елбасының сенімін ақтайтындарыңызға
кәміл сенемін.
Жастар, саяси партияның құрамына өту саясатқа қадам басқанмен бір, дейді. Сондықтан
егемен елдің ертеңіне қызмет етіп, өз саласында үздік болуға тырысамыз деп
отыр.
Қуаныш
Құдайбергенов, кәсіпкер:
Тәуелсіздіктің
құрдасы болу және жетекші партиямыздың құрамына ену - мен үшін үлкен мәртебе
десем де болады. Өйткені жасым 25-ке толғанда белді партия мүшелігіне еніп
отырмыз. Осы партияда елдің маңызды сапында жүрген адамдармен бірге жүріп, ел
дамуына үлес қосамыз деген үміттеміз.
Мейіржан
Алтыбаев, «Әзіл әлемі» театрының актеры:
Қазақстанның
дамуына үлкен үлес қосамыз деген ойдамыз. Еліміз дами берсін, Қазақстан
жасасын. Жалпы осы көшбасышымыздың соңынан еретін, саналы, сапалы, тәрбиелі
ұрпақ көбейсе деген ниетім бар.
