$475.03 €517.21 ₽5.44
×

Футболдан Словения ұлттық құрамасы жайлы топ-5 қызық дерек

AstanaTV
20.11.2023ж. 22:02
936
Футболдан Словения ұлттық құрамасы жайлы топ-5 қызық дерек

Бүгін, 20 қараша футболдан Қазақстан ұлттық құрамасы 2024 жылғы Еуропа чемпионатына іріктеу кезеңінің соңғы ойынын өткізеді. Матч Астана уақытымен сағат 02:00-де Словенияның Любляна қаласында болады. Осы кездесуге орай футболдан Словения ұлттық құрамасы жайлы қызықты деректер ұсынамыз, деп жазды kaz.nur.kz.

Словения ұлттық құрамасы ФИФА рейтингінде 54-орында тұр. Ең үздік көрсеткіші 2010 жылы тіркелген еді (15-орын). Словения құрамасының тарихындағы ең үздік сұрмерген – Златко Захович (35 гол). Златко 2000 жылдардың басында "Валенсия", "Бенфика" және "Порту" сияқты топ клубтарда ойнаған. Дәл қазір Словения командасының капитаны – Ян Облак. Сонымен қатар "Атлетико Мадрид" клубының негізгі қақпашысы. Ян Испания чемпионатының үздік қақпашысы атағын 4 рет, Словенияның жыл футболшысы мәртебесін 5 рет жеңген. Қазақстан ұлттық құрамасының бүгінгі қарсыластары соңғы 15 ойында 2 рет жеңілген. 9 жеңіс және 4 тең нәтиже көрсеткен екен. Словения ұлттық құрамасының нарықтағы ең қымбат екі ойыншысы – Ян Облак пен Беньямин Шешко. Ян команданың қақпашысы болса, Шешко шабуыл шебінде өнер көрсетеді. Екі ойыншының transfermarkt-тегі ауысым құны осындай: Ян – 35 миллион еуро, ал Шешко – 30 миллион еуро. Қазақстан ұлттық құрамасының жалпы құны 21 миллион еуроны құрайды.