Спорт Қазақстан
$450.47 €488.81 ₽4.84
×

"AMANAT" партиясының әйелдер қанаты ашылды

04.12.2023ж. 20:00
646
"AMANAT" партиясының әйелдер қанаты ашылды

"AMANAT" партиясының әйелдер қанаты ашылды. Бұл ұйым қыз-келіншектердің көшбасшылығын дамытуды көздейді. Нәзік жандыларға тән өзекті мәселелерді көтеріп, кәсіпкерлерді қолдайды.

Әйелдер үкіметтік емес ұйымдарда еңбек етіп, ел экономикасын ілгерілетуге, тіпті әлеуметтік сала мен саясатқа да белсене ат салысып келеді. Бүгінде Батыс Қазақстан облысы халқының 61% қыз-келіншектер. Олардың ішінде қоғам қайраткерлері, кәсіпкерлер, құрсағы алтын аналар да бар. Мысалы, 6800 адам "Алтын алқа" мен "Күміс алқа" иегерлері. Ал «AMANAT» партиясына 17 мың әйел мүше.

Қашура ӘЖІҒҰЛОВА, БҚО ДЕНСАУЛЫҚ САҚТАУ БАСҚАРМАСЫ МЕДИЦИНАЛЫҚ-САНИТАРЛЫҚ АЛҒАШҚЫ КӨМЕК КӨРСЕТУДІ ҮЙЛЕСТІРУШІ:

Әйелдердің орны бөлек. Ол - үйдің ұйтқысы. Әйел адам жұмыста да белсенді, әйел адам бала тәрбиесіне, өзінің бірге жасап жатқан әріптестерін де тәрбиелейтін, сондай қабілеті мол адам деп айтуға болады. Біздің әйелдердің жасап жатқан жұмысы біздің елдің, қоғамның әрі қарай дамуына үлкен үлес қосады деп айтамын.

Астана халқының 52 проценті - әйел. Жергілікті атқарушы органда жұмыс істейтін келіншектердің үлесі 50 пайыздан асады. Оның 37 проценті басшылық қызметте. Тіпті, партиядағы әйелдердің саны 63 пайызға жеткен.

Алтыншаш Табулдина, АСТАНА ҚАЛАСЫ МӘСЛИХАТЫНЫҢ ДЕПУТАТЫ, №5 ҚАЛАЛЫҚ ЕМХАНАНЫҢ ДИРЕКТОРЫ:

Әйел адам деген ерекше қарайды жұмысқа. Ол белгілі де, көп жерде зерттелген де. Сондықтан әйелдер көп болса, коррупция жағы да әйелдерде көп болмайды. Сондықтан өзгерістер болады деп ойлаймын.

Партияның Шығыс Қазақстан облыстық филиалы жанындағы денсаулық сақтау және білім беру жөніндегі өңірлік кеңесінің төрағасы Зарина Камасова көшбасшы әйелдерді қолдау қажет, - дейді. Өйткені, қыз-келіншектердің салмақты шешім қабылдауға қабілеті жоғары екенін айтады.

Зарина КАМАСОВА, "AMANAT" ПАРТИЯСЫНЫҢ ШҚО ФИЛИАЛЫ ЖАНЫНДАҒЫ БІЛІМ БЕРУ ЖӘНЕ ДЕНСАУЛЫҚ САҚТАУ МӘСЕЛЕЛЕРІ БОЙЫНША ӨҢІРЛІК КЕҢЕСТІҢ ТӨРАҒАСЫ:

Біз әйелдерге саяси салада өздерін сынап көруге мүмкіндік бергіміз келеді. Бізде қауымдастықтар мен қоғамдық ұйымдардар бар. Біздің міндетіміз-әйел көшбасшыларды анықтау.

Әйелдер қанаты отбасылық және тұрмыстық зорлық-зомбылықтың алдын алуға көмектеседі. Кәсіпкер әйелдерге қолда