"Майқайыңалтын" кен байыту фабрикасы жұмысын тоқтатты. Өйткені қорда қазатын алтын рудасы қалмаған. Алдағы 6 жылға жетеді деген 1 млн тонна шикізат жердің астында. Оны өндіруге рұқсат жоқ. Шахта маңында автобус жер астына құлап, апат болғалы бері кеншілер жаппай еңбек демалысына жіберілген. Енді 1100 адам жұмыссыз қалды. Кәсіпорын басшылығы қызметкерлердің ары қарайғы тағдыры алдағы күндері шешіледі, - деп хабарлады.
