Қазақстандықтар
баға өспей тұрып, баспаналы болуға тырысып жатыр. «Ранкинг» сараптамалық
орталығының мәліметінше, жылжымайтын мүлік бағасының тұрақтануы осы нарықтағы
белсенділікті арттырмақ.
2016
жылы қазақстандықтар үйлерді сату-сатып алу бойынша 190 мың келісім жасаған.
2015 жылмен салыстырғанда бұл 15 пайызға көп. Себебі өткен жылы жаңа салынған
үйлердің шаршы метрінің құны 4 пайызға түскен. Ең көп келісім Астана қаласында
жасалған. 2015 жылы тоғыз мыңнан асса,
2016 жылы 26,5 мыңдай келісім жасалған. Екінші орында Алматы қаласы. Мұнда 2015
жылы 8 мың, 2016 жылы жиырма сегіз мың бес жүз келісім жасалған. Үштікті Қарағанды
облысы қорытындылайды. Онда 2015-те бір жарым мыңнан аса, 2016 жылы он тоғыз
мыңнан аса келісім жасалған.
Сарапшылар бұл көрсеткіштің "Нұрлы жер"
тұрғын үй бағдарламасы іске қосылғаннан кейін артатынын айтады. Бағдарламаның
мақсаты - 15 жылда 1,5 миллион отбасын баспанамен қамтамасыз ету.
