Әлеуметтік маңызы бар тауарлардың бағасын тұрақтандыру үшін пилоттық режимде «Цифрлық айна» жобасы іске аса бастады.
Сауда және интеграция министрлігінің өкілдері жаңа жобаның жұмыс істеу механизмін түсіндірді. Оның негізінде тауар өндірілгеннен бастап тұтынушыға жеткенге дейін мониторинг жүргізіледі.
Сондай-ақ жергілікті атқарушы органдардың кәсіпкерлермен бағаны тұрақтандыру бойынша жасаған келісімдері толық көрінеді. Қазірдің өзінде құны 83 млрд теңгеден асатын 400-ге жуық келісім осы жоба аясында зерттеліп жатыр.
Бағаны негізсіз көтеру немесе келісім шарттарын толық орындамау деректері анықталса бірден шара қолданылады.
«Цифрлық айна» бағаны тұрақтандырудың өте тиімді тәсіліне айналады деп отыр мамандар. Бұл туралы Қазақстан телеарнасы хабарлайды.
