Атышулы ЭКСПО ісіне қатысты
тағы бір күдікті ұсталды. Сыбайлас жемқорлыққа қарсы іс-қимылдар ұлттық бюросы Талғат Ермегияевтің сенімді өкілдерінің бірі - Саят Нәдірбаевты Алматыда
тұтқындаған. Оған бюджет қаржысын жымқыруға қатысы бар деген айып тағылып, іздеу жарияланған еді.
Ақпарға қарағанда, азамат қазір Алматыда уақытша қамау абақтысында.
Еске
салсақ, «Астана ЭКСПО-2017» ұлттық компаниясының жетекшілеріне қатысты былық
былтыр ашылды. Басшысымен қоса, 20-дан аса адам тұтқындалған. Ал таяуда алғашқы сот та өтті. Ермегияевтің
өзіне 4 млрд 200 млн теңгені жымқырды деген айып тағылды. Бұған дейін
Нәдірбаевтың Талғат Ермегияевтің көлік жүргізушісі болғандығы туралы айтылып
келгені бар.
Құралай ПИОНЕР
