Елімізде өтетін жалпыұлттық референдумға 177 бақылаушы ресми тіркелді. Бұл туралы Орталық сайлау комиссиясының төрағасы Нұрлан Әбдіров айтты. Олар 30 елден, 4 халықаралық ұйымнан келеді. Сондай-ақ, 37 мемлекеттен 200-ге жуық шетелдік БАҚ өкілдері қатысады. Бұл саяси науқанның ашықтығы мен әділ өтуіне ықпал етеді дейді жауаптылар. Сонымен қатар, 60-тан астам елде 76 референдум учаскесі қызмет етеді.Яғни, шетелде жүрген отандастарымыз өз таңдауын жасай алады.
НҰРЛАН ӘБДІРОВ, ОРТАЛЫҚ САЙЛАУ КОМИССИЯСЫНЫҢ ТӨРАҒАСЫ:
Референдумды өткізуге 14 елдің орталық сайлау комиссиясының мүшесі қатысады. Бұл біздің халықаралық міндеттемелерге бейінділігіміздің, сондай-ақ, халықаралық ұйымдар мен шет мемлекеттермен сайлау саласындағы тығыз ынтымақтастығымызды жалғастыруымыздың дәлелі.
