Қызылжарда да қалың қар жауып, боран соғып тұр. Желдің жылдамдығы секундына 28 метрге дейін жеткен. Мұнда да барлық бағыттағы жолдар жабылды. Осының салдарынан жүздеген жолаушы діттеген жеріне жете алмай қалды. Түнде сынап бағанасы әлі де түсіп, көшелер көктайғаққа айналуы мүмкін, дейді сала мамандары. Коммуналдық қызметтер күшейтілген режимге көшті. Қала көшелерін тазалауға 80нен астам техника шықты.
Әсем АЙТУЛОВА, ҚАЛА ӘКІМДІГІНІҢ БАСПАСӨЗ ХАТШЫСЫ:
Қала көшелерінде құм-тұз себу жұмыстары жүргізілетін болады. Барлық жұмыстар бүгі күні бойы және түнгі уақытта жүргізіледі. Жалпы биылғы қыста бізде 150ден астам техника жұмылдырылады деп көзделуде.
