Шымкент
гарнизонының әскери соты бала өліміне жол берген 5 шекарашыға үкім шығарды.
Істі қараған судья Жәмиля Төленова Қызылорда облысында мемлекеттік шекараны күзету сеніп тапсырылған жылжымалы шекара
бекетіне басшылық жасаған аға лейтенант Түзелов Рақымжанды 1 жыл мерзімге бас
бостандығынан айыру жазасын кесті. Ол жазасын қоныс колониясында өтейтін
болады. Одан бөлек сол күні бір ауысымда
болған тағы төрт шекарашыға 1 жылдан шартты жаза тағайындалды.
Ерекеев
Ержан Тимурович ҚР ҚР 445 бабы 2-бөлігінде көзделген қылмысты жасағаны үшін
кінәлі деп танылсын. Оған осы баппен 1 жыл мерзімге бас бостандығынан айыру жазасы
тағайындалсын. ҚР ҚР 63 бабының негізінде Ержан Тимуровичке тағайындалған жаза
шартты деп саналсын.
Барлығы
да әскери шендерінен айырылады. Айта кетейік, оқыс жағдай осы жылдың 8 ақпаны
күні болды. Сотта келтірілген дәйектерге сүйенсек, шекараны күзетуге шыққан бұл
топ сол күні қызметке кірісудің орнына телефондарын сөндіріп, үйді-үйлеріне тарқасқан. Ал 4 автомат пен 1
тапаншаны оқ-дәрілерімен қарамағындағы бір шекарашының үйінде қалдыру
бұйырылыпты. Салдарынан ойнап жүріп оқтаулы қаруды көріп қалған сол үйдің екі
бүлдіршіні тапаншаны алып, кезенгенде, 7 жасар інісін өлтіріп алған болатын.
