Қызылжардағы жалғыз футбол манежі өртеніп кетті. Өрт гараждан шыққан. Артынша от жалыны футбол ғимаратына көшкен. Нысанның жабындысы ПВХ материалымен қапталғандықтан, 2 мың шаршы метр ғимарат бірер минутта күлге айналды. Гараждағы бірнеше көлік те өртенді. Абырой болғанда, адам аман. Бұл нысан былтыр ғана күрделі жөндеуден өткен болатын.
АЙСАРЫ ШӘКІРОВ, ҚАЛАЛЫҚ БАЛАЛАР МЕН ЖАСӨСПІРІМДЕР СПОРТ МЕКТЕБІНІҢ ДИРЕКТОРЫ
Өрт кезінде манеждің ішінде ешкім болған жоқ. Балалар жаттығуға енді жиналып жатқан. Жалпы, спорт мектебінде 500 бала бар. Қазір жаттығу процесін басқа жерге ауыстыру мәселесін қарастырып жатырмыз.
