Президент
әкімшілігі жетекшісінің бұрынғы орынбасары Бағлан Майлыбаевқа сот үкім кесті.
Астана қалалық соты баспасөз қызметінің мәліметінше, ол Қылмыстық кодекстің 2
бабы бойынша кінәлі деп танылып, бес жылға бас бостандығынан айырылды. Есіл
аудандық соты үкімді 13-ші маусымда шығарған. Алайда, бұл туралы тек бүгін ғана
белгілі болды.
Ал Майлыбаевтың сыбайласы Николай Галихинге 4 жылға шартты түрде
бас бостандығынан айыру жазасы тағайындалды. Олар Қылмыстық кодекстің
361-бабының 4-бөлігі, 185-бабының 3-бөлігі бойынша кінәлі деп танылған. Бұл - лауазымдық өкiлеттiктерді теріс
пайдаланып, мемлекеттiк құпияларды заңсыз жинап, таратып, жария ету бабтары.
Ботагөз Баянова, Астана қалалық сотының баспасөз хатшысы:
Сот үкімімен Б.Майлыбаев жоғарыда көрсетілген баптар бойынша кінәлі деп танылды және оған мүлкі тәркілене отырып, мемлекеттік органдарда лауазымды атқару құқығынан өмір бойына айырып, 5 жылға бас бостандығынан айыру жазасы тағайындалды. Н.Галихин мемлекеттік органдарда лауазымды атқару құқығынан 3 жылға айырып, 4 жылға шартты түрде бас бостандығынан айыру жазасы тағайындалды.
Сондай-ақ,
сот президентке сотталғандарды барлық мемлекеттік наградалардан айыру туралы
ұсыныс берілген. Мемлекеттік құпиялар жөнінде ақпараттар болғандықтан, сот жабық
есік жағдайында өткен.
