Спорт Қазақстан
$449.58 €486.94 ₽4.86
×
Реклама на сайте

Қарызы қордаланған жылу орталығы жөндеу жұмыстарына дайындалып жатыр

AstanaTV
04.01.2018ж. 20:00
2244
Қарызы қордаланған жылу орталығы жөндеу жұмыстарына дайындалып жатыр

Қарызы қордаланғанына қарамастан, Оралдағы жылу орталығы жөндеу жұмыстарына дайындалып жатыр. Осылайша мекеме басшылары қуат өнімділігін арттыруды жоспарлап отыр.

Бүгінде «Жайықжылуқуат» мекемесі газберушілерге 450 миллион теңге берешек. Ал тұрғындардың жылуға қарызы 300 миллион теңгеге жеткен. Борышкерлердің ел аумағынан шығуына тыйым салынды. Дүние-мүлкі мен көлігін бұғаттау, пәтерін сатуға шығару арқылы қарызды 700 миллион теңгеге азайттық, дейді кәсіпорын директоры Мұрат Бәйменов. Әрі жылуға берешегі 10 мың теңгеден асып кеткендердің ісі бірден сотқа беріледі. Жылыту маусымы аяқталғасын, мамыр айында жөндеу жұмыстары басталады. Жылу орталығына қажет қондырғы Жапониядан әкелініпті.

Мұрат Бәйменов, «Жайықжылуқуат» АҚ бас директоры:

Қосалқы бөлшектер үшін толығымен есептестік. Енді мердігер компанияға 150 миллион теңге төлейміз. Қондырғы жөнделгесін, электр стансасының қуаттылығы артады. Қазір 24 мегаватт электр қуатын өндірсе, жөнделгесін күші 26 мегаватқа дейін жетеді.