Киік
қырғаны үшін темір торға тоғытылған браконьерлер бостандыққа шықты. Мұндай
шешімді бүгін облыстық сотының апелляциялық алқасы шығарды. «Ырғыз Торғай»
табиғи резерватында киіктерге қырғидай тиген Қызылорда облысының 6 тұрғыны 40
млн теңгеден астам айыппұл төлеуге міндеттелді.
Гүлзия
Мақсатқызы, Ақтөбе облыстық сотының баспасөз хатшысы:
Наурызбаев,
Халибаев пен Тайшыбаевтың әрқайсысына 7 млн 928 мың теңге көлемінде айыппұл
түріндегі жаза тағайындалды. Сыздықов, Естаев пен Тоғызбаевтың әрқайсысына 5
млн 946 мың теңге көлемінде айыппұл түріндегі жаза тағайындалды. Сот үкімінің
бұлайша өзгеруіне сотталғандардың үкім заңды күшіне енгенге дейін қылмыстық
әрекет нәтижесінде келтірілген залал мөлшерін мемлекет пайдасына толық өндіруі
негіз болды.
Өткен
жылдың қазан айында қызылордалық азаматтардың көлігінен киіктің 100 мүйізі
табылған болатын. Бұлтартпас айғақтармен қолға түскен қылмыскерлердің біреуін
аудандық сот 3 жылға, тағы екеуін 1 жарым жылға абақтыға қамаған еді. Ал біреуі
2 жылға шартты түрде сотталған болатын.
Мансұр ЕСХОЖИН
