Бүгінде заманауи технологиялар саясаттың ажырамас бөлігіне айналып келеді. Осыған орай Астанада саясаттанушылар мен медиа мамандары электоралдық науқанның жаңа үрдістерін сарапқа салды. Жиында цифрлық дәуірдегі саяси коммуникация мен сайлауалды үгіт-насихат мәселелері сөз болды. Әсіресе науқан кезінде жасанды интеллект мүмкіндіктерін тиімді пайдалану жайы жан-жақты талқыланды. Сондай-ақ, сарапшылар желіде желдей есетін жалған ақпараттарға тосқауыл қою тетіктеріне де ерекше басымдық берді.
НАЙЛА МҰХТАРОВА, САЯСАТТАНУШЫ:
Фейк ақпараттар да көптеген таралып жатыр біздің қоғамда. Менің ойымша, саяси партиялар саяси бағдарламаларын ұсынған кезде және де агитациялық, үгіт-насихаттық жұмыстар жүргізген кезде осы бүгінгі күнгі жалпы адамның сенім психологиясын алға тартып, сол азаматтарды өздерінің назарына аудару және де оны неғұрлым таза, ашық түрде жұмыс жүргізу керек деп ойлаймын.
