Негізгі / Жаңалықтар / Қызылжарда қоғамдық көліктер зейнеткерлерді ақысыз тасымалдады

Қызылжарда қоғамдық көліктер зейнеткерлерді ақысыз тасымалдады

Қызылжарда қоғамдық көліктер зейнеткерлерді ақысыз тасымалдады. 11 мыңнан астам қария бүгін діттеген жеріне ақша төлемей тегін жетіп алды. Бұл шара Алғыс айту күніне орай ұйымдастырылған. Шахардың түкпір-түкпіріне қатынап, біраз қаржысын үнемдеген қариялар жолаушы тасымалдау компанияларына алғыс айтты. Мұндай игі шаралар жиірек ұйымдастырылса дейді.

Лидия Очеренкова, Петропавл қаласының тұрғыны:

Жай күндері қарапайым тұрғындар сияқты жолақысын 80 теңгеден төлеп жүрміз. Зейнетақымыздың біраз бөлігін осыған кетеді. Тегін қылса, қуанар едік.

Бұл акция 3 жыл қатарынан өткізіліп жатыр. Аавтокөлік одағы қауымдастығының өкілдері жолақыны барлығына бірдей тегін қылуға қауқарсыз екенін айтады. Бір автобустың шығыны жанармай мен жүргізушінің жалақысын қосқанда шамамен 15 мың теңге. Қалада 300-ге тарта қоғамдық көлік болса, тұрғындарды жаппай тегін тасу бір күнде 4,5 миллион теңгеге түседі екен.