Колумбияның Киндио өңірінде 67 жастағы Мириам есімді әйел бірнеше жыл бойы көршілерінің өмірінде болып жатқан оқиғалардың бәрін дәптеріне жазып келген
Ол аудан тұрғындарының отбасылық жанжалдарын, жасырын қарым-қатынастарын және басқа да жергілікті оқиғаларды тіркеп отырған. Кейін Мириам бұл жазбаларынан ақша табудың жолын ойлап тапқан.
Әйел өз дәптеріндегі мәліметтерді оқығысы келген адамдардан ақы ала бастаған. Бағасы да әр әңгіменің қаншалықты қызықты әрі даулы болғанына қарай өзгеріп отырған.
Бұл іс оған қомақты қосымша табыс әкеліп, армандаған үйін сатып алуға мүмкіндік берген. Бұқаралық ақпарат құралдарының мәліметінше, кейін оның тағы бір жылжымайтын мүлік сатып алғаны да айтылған.
Мириамның оқиғасы әлеуметтік желіде қызу пікірталас тудырды. Бірі оны табыс табудың тапқыр жолын тапқан әйел деп бағаласа, енді бірі өзгенің жеке өмірін ақшаға айналдыруды әдепсіздік деп санайды.
