Оңтүстікте осыдан төрт тәулік бұрын жоғалып кеткен 6 жасар Мұхаммед Арыс қаласынан табылды. Бұл ақпаратты облыстық ІІД «Астана» арнасына телефон арқылы растады. Оқушыны 1954-ші жылы туған әйел адамның алып кеткені анықталған.
Спабек Жарқынбеков, ОҚО ІІД мемлекеттік тіл және ақпарат
басқармасы басшысының м.а.:
Баланың
жанында болған әйелдің бет әлпеті фотороботта бейнеленген әйелге келеді. Бала
қазір ата-анасының жанында. Аман-сау. Тергеу амалдары жүріп жатыр. Ұсталған
әйелдің кішкентай баланы не үшін алып кеткені тергеуден соң белгілі болады.
Өзге ақпараттар қосымша хабарланады.
Алты
жасар Мұхаммед Қамшыбектің 20 ақпанда үйінен шығып, содан қайтып оралмағанын
кешегі жаңалықтарымызда айтқан едік. Тапа-тал түсте жоғалған баланы және
күдікті әйелді іздеуге еріктілер де қосылған. Сондай-ақ, баланы ұрлауға қатысы
болуы мүмкін деген күдікке ілінген 51 жастағы Сәндікүл Сүйіндік полицияға келді. Ол өз суретін телеарналардан көріп, бұл іске қатысы жоғын дәлелдеуге
келгенін айтқан.
Айзада ТӨРЕБЕКҚЫЗЫ
