Бүгін
Астана Экономикалық форумы аясында «Самұрық-Қазына» қорындағы трансформация
туралы кітаптың тұсауы кесілді. «Samruk-Kazyna 2020» атты кітапта трансформация
бағдарламасы жайлы өзекті ақпарат жинақталған. Бағдарламаның
алғы шарттары, іске асыру жоспарлары, түпкі мақсаттары мен ағымдағы мәртебесі
туралы да тың мәліметтер бар.
Кітап қазақ, орыс және ағылшын тілдерінде
басылған. Қордың басқарма төрағасы Өмірзақ Шөкеевтың айтуынша, әлемдік тәжірибе
көрсеткендей, трансформация жүйесін аяқтауға кемінде он жыл керек. Десе де
«Самұрық-Қазына» жаңа концепцияның кейбір элементтерін іске асыра бастаған көрінеді.
Еске салсақ, қордағы трансформация бағдарламасы Президенттің ұсынысы бойынша
2014 жылдың қазан айында басталды.
Өмірзақ
Шөкеев, «Самұрық-Қазына» ұлттық әл-ауқат қоры» АҚ басқарма төрағасы:
Менің
ойымша, бұл кітапты алдағы 3 жылға арналған жоспарымыз деп те қарастыруға
болады. Холдингтің өзінде, еншілес компанияларда нендей өзгерістер орын алатыны
мұнда бар. Трансформация - көптеген бағыттардан тұратын күрделі үрдіс.
Сондықтан осындай кітап шығару қажеттілігі туындады. Осы кітапта
«Самұрық-Қазына» АҚ трансформациясы туралы барлық өзекті деректер жинақталған
және жұртшылықтың, БАҚ және сарапшылардың негізгі сұрақтарына жауап берілген.
Ләйлә ҚАЗИАҚПАРОВА
