Лаңкестер қатарында қарулы қақтығысқа қатысып, елге қайтып оралған азаматтар қатаң бақылануы керек. «Сырбар» сыртқы барлау қызметінің директоры Ғабит Байжановты қабылдаған президент Нұрсұлтан Назарбаев осылай деді. Байжанов мемлекет басшысына сыртқы барлау қызметінің биылғы 6 айда атқарған жұмысының негізгі нәтижелері және бұған дейін берілген тапсырмалардың орындалуы жөнінде мәлімделді. Ал бұған дейін Ұлттық қауіпсіздік комитеті былтыр лаңкестер арасынан 125 азамат елге қайтып оралғанын хабарлаған болатын.
Нұрсұлтан Назарбаев, Қазақстан Республикасының Президенті:
Көршілердің арнайы органдарымен бірге сырттан келетін террористерді, әсіресе Сириядан қайтып келетіндерді бақылап, коллегалармен бірге жұмыс жасау керек. Осы қазіргі негізгі бағыт болып отыр.
