Ақтөбеде
сенбілікке шыққан студенттер адам қаңқаларын тапты. Олар қаланы тазалау кезінде
екі адамның басы мен басқа да сүйектерге тап болған. Ол Ақтөбе маңындағы
Заречный-3 ауданындағы қоқыс арасынан табылған.
Бір айта кетерлігі, іске
қосылғанына 1 жылға жуықтап қалған «Райгүл» балабақшасы оқиға орнынан таяқ
тастам жерде. Батыс Еуропа - Батыс Қытай
халықаралық дәлізге шығатын ірі жол торабы да осы маңда. Полицейлер адам
қаңқаларының бұл жерге қайдан тап болғандығын анықтауға кірісті.
Әсел
Бекбауова, оқытушы:
Бас
сүйегі өте ескі екендігі көрініп тұр. Жерде біраз жатып қалған сияқты. Біз
бірден әкімдікке хабарласып, полицейлерге ақпарат бердік. Криминалисттер келіп,
оқиға орнын қоршауға алып, бізден анықтама алды.
Мансұр ЕСХОЖИН
