Бүгін
Ақтөбеде жас сарбаздар азаматтық борышын өтеуге әскерге аттанды. Оларды салтанатты түрде шығарып салуға ардагерлер де
келді. 40 ақтөбелік өрен барлаушылар полкында қызмет етпек.
Еліміздің
тыныштығын сақтауға қалтқысыз қызмет етуге сөз берген жастар, қатаң іріктеуден
өтті. Олар Қарулы Күштердің құрамына сарбаз таңдаудың талаптарына сай деп
танылды. Тепсе темір үзетін жастардың күші мен мықты денсаулығынан өзге білімі
де жоғары немесе орта арнаулы болуы тиіс. Әскери сала мамандары қарт
майдангерлермен өткен мұндай кездесу сарбаздардың рухани дайындығына
айтарлықтай септігін тигізеді деп сенеді.
Бақтығали
Әлімбаев,
№ 41433 әскери бөлімі командирінің орынбасары:
Бүгінгі
өткізіліп отырған іс-шара менің 40 жауынгеріме өте жоғарғы мәнді, патриоттық
үлгіде, Отан алдындағы атқаратын борышына өте үлкен көмек септігін тигізеді.
Мансұр ЕСҚОЖИН
