Теңге бағамы бүгін тағы да
нығайып, АҚШ валютасы құнының біршама төмендегені байқалды. KASE-дегі таңғы
сессиясының қорытындысы бойынша ұлттық валютаның долларға қатысты бағамы 327
теңге болды.
Таңғы сессиядағы алғашқы
келісім 327,5 теңге көрсеткішімен
аяқталды. Саудадағы ең төменгі баға да осы төңіректе тұрақтады. Ал айырбас
бекеттерінде «көк қағаз» 328, кей жерлерде тіпті 327 теңгеден сатылып жатыр.
Айта кетейік, ICE биржасының
мәліметіне сәйкес, бүгін «Brent» маркалы мұнайдың баррелі 48,45 доллар болды.
Кейбір сарапшылар көк қағаздың құны әлі де төмендеп, шамамен 323 теңгеге дейін
құлдырайды деп болжап отыр.
Айгүл ӘДЕПБАЙ