Ал, Солтүстік қазақстандық диқандар
бидайды импорттай бастады. Осы күнге дейін
Ресейден 700 тоннаға тарта астық әкелінген. Келісім-шарттың жалпы сомасы 300
мың АҚШ долларын құрайды. Бұл былтырғы жылмен салыстырғанда, 3 есе артық.
Алыс-беріс туралы ақпарат Статистика агенттігінің ресми сайтынан алынған.
Ал әкімдіктегілердің айтуынша,
шаруалар қазір тұқым қорын сақтаумен әлек. Демек, көрші елден 2-3-классты бидай
тасымалдануда. Айта кетсек, астықты өлкеде күзгі жиын-терім жұмыстарының 86
пайызы еңсерілді. Әзірге гектар берекелігі 15,4 центнерден айналуда.
Ресми дерек көздерінің мәлімдеуінше,
қар түскеннен кейін дәннің сапасы айтарлықтай нашарлай түскен. Қазір тек 4-5-классты астық қана жиналып жатыр. Дегенмен,
элеваторларда 3-ші сұрыпты бидайдың үлесі басым, дейді мамандар.
Абзал ҚҰРМАНКИН