Алапат боранға байланысты Қарағанды
облысындағы бірқатар жолдарда көлік қозғалысы шектелді. Бұл жөнінде «Қазақавтожол» мекемесі хабар таратуда.
«Қызылорда-Павлодар» республикалық
жолындағы бірқатар учаске жабылған. Сондай-ақ, Жезқазған мен Топар аралығында
барлық көлік түрлері үшін жол жабылды. Бұдан бөлек, «Екатеринбург-Алматы»
жолының Қарағанды мен Балқаш қаласы аралығында көлік қозғалысы шектелді.
Ал, Қазақстанның шығысында қалың
қардың құрсауында қалған 75 автокөлікке дер кезінде құтқарушылар көмек жеткен. Төтенше
жағдайлар қызметі өкілдерінің хабарлауынша, оның төртеуі - жолаушылар автобусы,
ал қалғаны - жеңіл көліктер. Құтқарушылар
200-дей адамды қауіпсіз жерге жеткізді. Абырой болғанда зардап шеккендер жоқ.
Базаркүл ОТЫНШИЕВА
