Спорт Қазақстан
$446.49 €475.38 ₽4.79
×

Өскеменде «Бір толқында» ұранымен флешмоб өтті

AstanaTV
12.03.2015ж. 10:00
1104
Өскеменде «Бір толқында» ұранымен флешмоб өтті

«Бір толқында». Дәл осындай ұранмен Өскеменде Қазақстан Халқы Ассамблеясының 20 жылдығына арналған айрықша шара өтті. Флешмобқа облыстық ұлттық-мәдени орталық өкілдері мен белсенді студенттер мұрындық болған.

Өскемендегі Республика алаңына бір мезетте 5 мыңнан астам халық жиналды. Шараға қатысушылардың барлығына ұлттық өрнегі бар таспалар таратылды. Жалау түстес ұлттық нақыштағы таспа Тәуелсіздіктің 24 жылдығын білдіреді, -дейді ұйымдастырушылар.

Белсенді жастар игі бастамаға еліміздің барлық өңіріндегі тәуелсіздік құрдастары қосылады деген сенімде. Ал айырқша таспа Қазақстан халқы бірлігінің символына айналатынына үміттенеді.

Евгений Панкрашев, студент:

Бұл бастаманы әуелі әлеуметтік желілерде қызу талқыладық. Біз өз ойымызды ұсындық, ал көпшілік арасында оған қызығушылық танытқандар көп болды. Кейін осындай жаппай шеру ұйымдастыруды жөн санадық.

Заңғар САНАЙ