Ұлттық
кәсіпкерлер палатасы ұйымдастырған акцияның жарнамасы қазақ тілінде қате
жазылған. Тұтынушыларды отандық өнімді сатып алуға
үгіттеу мақсатында ірілі-ұсақты дүкендерде жаппай орнатылған ұран сөздердің
қазақша қате жазылғанын журналистер байқады.
Құлаққа түрпідей тиетін «Қазақстандықты
сатып ал» деген тіркес орыс тілінен тікелей аударылғанға ұқсайды. Ұлттық палата өкілдері: «Мұндай қателікке
асығыстық себеп болуы мүмкін», - дейді.
Жібек Әжібаева «Атамекен»
ҰКП Сауда комитеті Хатшылығының хатшысы:
Сол күндері
тездетіп істеп алсақ деп ойлайтын адамдар көп, соған қарағанда осындай
кемшіліктер бар шығар. Бірақ оның дұрыс жазуын мағынасын жергілікті
әкімшіліктер іскерлері бақылауға тиісті. Тағы да қазақ тілінің қоғамдары да
жетеді ғой былай қарағанда.
Мөлдір ДЮСЕКИНА
