Спорт Қазақстан
$449.58 €486.94 ₽4.86
×

Қазақстанда таланттылардың пулын құру туралы бастама көтерілді

AstanaTV
16.03.2015ж. 10:00
1419
Қазақстанда таланттылардың пулын құру туралы бастама көтерілді

Қазақстанда таланттылардың пулы құрылуы мүмкін. Бұл жөнінде Мемлекеттік қызмет және жемқорлықпен күрес агенттігі төрағасының орынбасары Саян Ахметжанов мәлімдеді. Айтуынша, пул талапты жастардан, оқу озаттары мен ғылыми-шығармашылық байқау жеңімпаздарынан, «Болашақ» түлектерінен жасақталады.

Оған қатысушылар арнайы бағдарлама бойынша кәсіби тәжірибеден өтеді. Мемлекеттік қызмет жүйесін реформалау еңбекақы төлеу жүйесін де айналып өтпейді. Тиімділікті бағалау жүйесі 2010-жылдан бері бар.

Ендігі өзгеріс бойынша,қызметкердің жеке басын бағалау да есепке алынбақ.

Саян Ахметжанов, ҚР Мемлекеттік қызмет істері және жемқорлыққа қарсы іс-қимыл агенттігі төрағасының орынбасары:

«Мемлекеттік органның тиімділігінен бөлек, қызметкердің жеке сіңірген еңбегі де бағаланады. Ынталандырудың бірден бір тәсілі бұл. Талапты, іскер адамдарды мемлекеттік қызметке тартудың алғышарты болмақ».

 Мөлдір ДЮСЕКИНА