Гана астанасы Аккрада жанар-жағармай құю
бекетінде болған жарылыс құрбандарының саны 200-ден асты. Гана басшысы Джон
Драмани Махама қайғылы оқиғаға байланысты 3 күндік қаралы күн жариялады. Елдің
ішкі істер ведомствосы оқиғаны ұлттық трагедия деп бағалап үлгерді. Жарылыстан
зардап шеккендерге көмек үшін Гана билігі 15 млн доллар бөліп отыр.
Оқиға
бейсенбі күні, нөсер жауыннан көпшіліктің бекет шатырын паналап тығылған
сәтінде болған. Жойқын жарылыстың себептері әлі анықталған жоқ, алайда
куәгерлер оқиғаны төгілген бензинмен байланыстырады. Бекеттегі отын жауын
суымен жайылған. Оқиға орнында құтқару жұмыстары жалғасуда, жарақат алған 35
адам жергілікті ауруханада ем алып жатыр.
Азамат АЛДОҢҒАРОВ
