Калифорния билігі бұрын-соңды болмаған құрғақшылық салдарынан тұтынатын суға шектеу қойды. Бұл қысқарту әсіресе, шаруаларға қолайсыздық тудырып отыр. Сарапшылар пайымынша, мұндай құрғақшылық елде бұған дейін болмаған. Бүгінде АҚШ тың Калифорния штатындағы көптеген су қоймасында тамшы су қалмады. Губарнатор Джерри Браун сәуірде штаттағы тіршілік нәрін үнемдеу туралы Жарлыққа қол қойды. Айта кетерлігі, бұл штат тарихындағы алғашқы шектеу. Жаңа талаптар жеке тұлғалар мен ірі компанияларға тарады. Алайда, ол кезде бұл ереже шаруаларды айналып өткен болатын. Міне төрт жыл қатарынан Калифорнияда жауын-шашын деңгейі тиісті межеден төмендеп кетті.
Әсем МҰХИТОВА
