Ауа райы -
×
Негізгі / Жаңалықтар / Жамбыл облысында 21 жыл бұрын адам өлтірді деген күдікке ілінген азаматқа қатысты сот үкім шығарды

Жамбыл облысында 21 жыл бұрын адам өлтірді деген күдікке ілінген азаматқа қатысты сот үкім шығарды

Жамбыл облысында "Адам өлтірді" деген күдікті, жазадан құтылып кетті. Көршісін атып, мәйітін үйінің ауласына көміп тастаған қаскөй сот залынан босатылды. Судья, мұны  - қылмыстық жауапкершілікке тарту мерзімі өтіп кеткенімен түсіндірді.
Ал, марқұмның туғандары үкіммен үзілді-кесілді келіспейді. Сот отырысына қатысып қайтқан тілшіміз тақырыпты тарқатады.

Облыстық мамандандырылған ауданаралық қылмыстық сот, осыдан 21 жыл бұрын жасалған іске нүкте қойды. "Адам өлтірді" деген күдіктіні қылмыстық жауапқа тарту мерзімнің ескіруіне байланысты босатқан. Айыпталушы да осы мүмкіндікті пайдаланған сияқты. Ол өз кінәсін тек жартылай мойындаған. Енді ол марқұмның туыстарына моральдық және материалдық шығын есебінде бір айдың ішінде 5 жарым миллион теңге беруге міндеттелді.

Кенжеғали КЕНЖЕБЕКОВ, ЖАМБЫЛ ОБЛЫСТЫҚ МАМАНДАНДЫРЫЛҒАН АУДАНАРАЛЫҚ ҚАЛМЫСТЫҚ СОТЫНЫҢ СУДЬЯСЫ:
 
1997 жылғы редакциядағы Қылмыстық Кодекстің 69 бабының 1 бөлігіне сәйкес, егер аса ауыр қылмыс жасағаннан кейін 15 жыл өтсе адам қылмыстық жауапкершіліктен босатуға жатады. Осы баптың екінші бөлігіне сәйкес ескеру мерзімі қылмыстық қылмыс жасаған күнен бастап, үкім заңды күшіне енгенге дейін есептеледі. Мерзімі өтуіне байланысты қалмыстық жауапкершіліктен босату үшін жәбірленушінің және жәбірленуші өкілдерінің келісімдері қажеті жоқ.

Мұндай үкім сотқа келгендер үшін күтпеген жағдай болды. Жәбірленуші тарап болса, соттың шешімімен келіспейді. Олар "қасақана өлтіріп, жылдар бойы мәйітін таптаған адам" неше жыл өтсе де лайықты жазасын алуы тиіс,- дейді. Енді Жоғары сотқа арызданбақшы.

Қасымхан ШҮҢІРЕКОВ, ЖӘБІРЛЕНУШІ:

Қасақана ағамызды атқан адамды бүгін сот залынан босатып отыр. Бұл шешіммен келіспейміз. Заливка құйып бетондап тастаған, оның үстінде шай ішті, арақ ішті, таптап басып жүргені аздай, енді біздің арымызды таптатып отыр ғой мына сот.

Тергеу деректеріне сүйенсек, бұл қанды қылмыс 1998 болған. Төрт көрші өзара бас қосу кезінде сөзге келіспей, бірі екеншісін атқан. Қылмысын жасыру үшін ауласына көміп, кейін сол жерден шағын жаздық нысан тұрғызып алыпты. Уақыт өте келе сыбайластырының бірі әйеліне болған жайтты жайып салған. Әйелі бұл қылмысты ажырасып жатқанда жария еткен. Мұнан соң жоғалды деп іздеу жариялаған жәбірленуші тарап сотқа арызданды. 

Б. Жұмабайұлы