Ауа райы -
×
Негізгі / Жаңалықтар / Павлодарда мас күйінде көлік жүргізген облыстық мәслихат депутаты 15 тәулікке қамалды

Павлодарда мас күйінде көлік жүргізген облыстық мәслихат депутаты 15 тәулікке қамалды

Павлодарда   мас күйінде көлік жүргізген  облыстық мәслихаттың депутаты 15 күнге қамалды.  Тәртіп сақшылары көлікті тоқтатқан кезде одан бірден ішімдік исі шыққанын айтады. Алайда, халықтың қалаулысы медициналық тексеруден  бас тартыпты. Тіпті, полицейлерге қарсылық танытқан. «Toyota camry» маркалы «темір тұлпарды» тізгіндеген оның өзімен бірге ешқандай құжаты да болмапты. Ал кейін көліктің техникалық байқаудан өтпегені, сақтандыру жасалмағаны да анықталды. Жазадан құтылмақ болған шенді аты-жөнін жасырып, басқа есім  айтқан.  Десе де, депутаттың бұл қулығы іске аспады.

Жасқайрат ҚАЙЫРОВ, ПАВЛОДАР ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ БІРІНШІ ОРЫНБАСАРЫ:

Аталған тұлғаға полиция талабын орындамау, көлік құралын сақтандырмау,  «темір тұлпарды» құжатсыз басқару және көлікті техникалық байқаудан өткізбеу сынды 4 баппен хаттама толтырылды. Осы заң бұзушылық аясында оған 20 АЕК көлемінде айыппұл салынды.


Жүгенсіз жүргізушінің ісі сотқа жолданды.  Павлодар қаласының мамандандырылған әкімшілік соты оны 15 тәулікке қамау туралы шешім шығарды.

Серік МАРДАНОВ, ПАВЛОДАР ҚАЛАЛЫҚ МАМАНДАНДЫРЫЛҒАН ӘКІМШІЛІК СОТЫНЫҢ СУДЬЯСЫ:


Сотта ол өз кінәсін мойындаған жоқ. Десе де, сот оның өркескел заң бұзушылық жасағаны үшін 15 тәулікке қамап, көлік жүргізу құқынан 8 жылға айыру туралы шешім шығарды. Үкім әлі заңды күшіне енген жоқ.


Ө. Қуанар